Gwosès: Kesyon nou jwenn plis yo

Èske si m ap travay sa ap deranje bebe m nan?

Nan anpil ka, travay pandan gwosès ou pa p deranje bebe a ditou. Ka gen anpil enkyetid si travay ou a gen machin oubyen pwodwi chimik ki danjere ladann, leve pwa, oubyen kanpe pandan lontan. Pale ak founisè swen sante w la ak patwon w lan de travay ou a ak gwosès ou a.

Èske pa gen danje pou fè sèks pandan gwosès la?

Wi, sof si founisè swen sante w la konseye w pa fè sa espesifikman.

Poukisa m pa ka chanje bòl lèt chat la?

Chat yo gen yon maladi ki rele toksoplasmoz. Nan kò granmoun, li parèt tankou yon enfeksyon nan san an ak ògan yo ki pa grav. Si w enfekte pandan gwosès la, sèvo bebe a ak je l ka andomaje. Pou w an sekirite, fè yon lòt moun chanje lèt nan bòl chat la. Si w dwe jere sa, mete mask sou nen w ak bouch ou. Mete gan epi lave men w aprè, tou.

Ki medikaman ki san danje?

Okenn preskripsyon oubyen medikaman san preskripsyon pa san danje pou tout moun tout tan. Men pafwa ou konn bezwen medikaman. Asire w founisè swen sante w la konnen w ansent. Aprè itilize sèlman medikaman li konseye w pran yo.

Èske se vre mwen ka chofe bebe m nan?

Wi. Pou w anpeche bebe w la twò cho:

• Pa chita nan yon jakouzi. Yon bon kadè nan yon beny cho bon, men pa nan yon dlo cho ki plis pase 100 °F (37,7 °C).

• Fè ekzèsis mwens entans si w santi w fatige. Baze ekzèsis ou a sou jan w santi w, pa sou rit kadyak ou. Rit kadyak ou pa yon bon mwayen pou w mezire efò w pandan gwosès ou.

Èske m ka leve oubyen pote chay san danje?

Wi, si founisè swen sante ou a pa di w non. Aprann leve ak pote chay san danje pou w evite domaj ak redui doulè nan do pandan gwosès la. Pou w pwoteje do w:

• Pliye sou jenou w pou w rapwoche chay la.

• Jwenn yon bon priz. Teste pwa chay la.

• Mare vant ou sere. Espire pandan w ap soulve l.

• Soulve l ak janm ou pa soulve l ak do w.

• Pote chay la tou pre kò w.

• Kenbe chay la pou w ka wè kote w prale.

E si m tonbe malad?

Anpil fanm malad omwen yon fwa pandan gwosès la. Pale ak founisè swen sante ou a si ou malad. Li pwobab pou l pa afekte gwosès ou a. Pran anpil repo epi bwè anpil likid, epi manje sa w ka manje. Pale ak founisè swen sante w la anvan w pran kelkeswa medikaman an.