स्वस्थ-बच्चाको जाँच: 9 महिना

9-महिनाको जाँच, स्वास्थ्य सेवा प्रदायकले बच्चाको परीक्षण गर्नु हुने छ र घरमा कस्तो भइरहेको छ भनी सोध्नु हुने छ। यस पानाले तपाईंले अपेक्षा गर्नुभएको मध्ये केही कुराको बारेमा व्याख्या गर्छ।

विकास र माइलस्टोनहरू

स्वास्थ्य सेवा प्रदायकले तपाईंको बच्चाको बारेमा प्रश्नहरू सोध्नु हुने छ। र उहाँले नवजात शिशुको विकासको उपाय प्राप्त गर्न बच्चालाई अवलोकन गर्नु हुने छ। यो भेट अनुसार तपाईंको बच्चाले निम्न कुरामध्ये केही कुरा गर्ने सम्भावना छ:

• " अस्विकार " लाई बुझ्ने
• वस्तुहरू देखाउन ओँलाहरूको प्रयोग गर्ने
• "दादादा" वा "मामामा" जस्ता विभिन्न प्रकारका आवाजहरू निकाल्ने
• सहायता बिना उठेर बस्ने
• उभिएर समात्ने
• आफै खाने
• वस्तुलाई एउटा हातदेखि अर्को हातसम्म स्थानान्तरण गर्ने
• यसलाई फालेपछि खेलौनातिर हेर्ने
• घस्रिने
• उहाँको हातहरू हल्लाउने र ताली बजाउने
• सोफा वा अन्य फर्निचरलाई समातेर वरिपरि सर्न सुरु गर्ने ("हिड्न" भनिन्छ)
• आमाबुवासँग छुट्टिदाँ निराश हुने वा अपरिचित व्यक्तिहरूको वरिपरि चिन्तित हुने

खुवाउने सुझावहरू

9 महिनासम्म, तपाईंको बच्चालाई खुवाउनेमा "हातबाट बनाइएका खानेकुराहरू" साथसाथै राइस सीरियल र नरम खानेकुराहरू समावेश हुन सक्छन् (तल हेर्नुहोस्)। वृद्धि सुस्त हुन सक्छ र बच्चा पातलो र दुबला देखिन थाल्न सक्छ। यो समान्य हो र यसको अर्थ बच्चाले खानका लागि प्रर्याप्त खानाहरू पाउनुभएको छैन भन्ने होइन। तपाईंको बच्चालाई राम्ररी खान मद्दत गर्न:

• तपाईंको बाच्चाको पेट भरिएको बेला उहाँलाई खानका लागि जोड नदिनुहोस्। खुवाउने समयमा, तपाईं उहाँले ढिलो खानु भएको छ वा चम्चालाई टाढा फाल्नुहुन्छ भने तपाईंको बच्चा अघाउनु भएको छ भन्न सक्नुहुन्छ।
• तपाईंको बच्चाले हरेक दिन 3 पटक ठोस खानेकुराहरू र प्रति दिन 4 देखि 5 पटक आमाको दुध वा फर्मुला खानुपर्छ। तपाईंको बच्चाले धेरै ठोस खानेकुराहरू खाएमा, उहाँलाई आमाको दुध वा फर्मुला कम मात्रामा आवश्यक पर्ने छ। 12 महिनाको उमेरसम्म, बच्चाको धेरैजसो पोषण ठोस खानेकुराहरूबाट प्राप्त हुने छ।
• सिप्पि कप (ह्याण्डल र लिड भएको बच्चाको कप) मा पानी दिन सुरु गर्नुहोस्। कपलाई अझै पनि बोतलले प्रतिस्थापन गर्दैन तर यसलाई परिचित गर्ने यो राम्रो उमेर हो।
• आफ्नो बच्चालाई अहिले पिउनका लागि गाईको दूध नदिनुहोस्। दही र चिज जस्ता अन्य डेरीका खाने कुराहरू ठिक छ। यी पू्र्ण-फ्याटयुक्त बस्तुहरू हुनुपर्छ (न्यून-फ्याट वा गैरफ्याट होइन)।
• केही खानाहरू जस्तै मह 12 महिना उमेर भन्दा कम उमेरका बच्चाहरूलाई खुवाउनु हुदैँन भन्ने कुरामा सचेत रहनुहोस्। विगतमा, आमाबुवाहरूलाई बच्चाहरूलाई सामान्यतया एलर्जेनिक खानाहरू नदिन सुझाव दिइएको थियो। तर अहिले यी खानेकुराहरू पहिलेनै परिचय गराउनाले एलर्जी विकास हुने जोखिमलाई वास्तवमै कम गर्न मद्दत गर्न सक्छ भन्ने कुरामा विश्वास गरिएको छ। तपाईंसँग कुनै प्रश्नहरू भएमा, स्वास्थ्य स्याहार प्रदायकसँग कुरा गर्नुहोस्।
• तपाईंको बच्चाले फ्लोराइड परिपूरकहरू सेवन गर्न आवश्यक हुन्छ/हुँदैन भन्नेबारेमा स्वास्थ्य सेवा प्रदायकलाई सोध्नुहोस्।

स्वास्थ्य सुझावहरू

• तपाईंले आफ्नो बच्चाको दिसा वा पिसाबमा अचानक परिवर्तनहरू भएको ख्याल गर्नुभयो भने स्वास्थ्य सेवा प्रदायकलाई भन्नुहोस्। तपाईंले आफ्नो बच्चालाई के खुवाउनु भएको कुरामा निर्भर रहेर दिसा परिवर्तन हुने छ भन्ने कुरा दिमागमा राख्नुहोस्।
• तपाईंको बच्चाले पहिलो पटक दन्त चिकित्सा भेट कहिले गर्नुपर्छ स्वास्थ्य स्याहार प्रदायकलाई सोध्नुहोस्। बाल चिकित्सा सम्बन्धी दन्त चिकित्सकहरूले पहिले दन्त चिकित्सा भेट पहिलो दाँत गिँजा भन्दा माथि निस्केपछि जति सक्दो छिटो गर्नुपर्छ भन्ने कुरा सिफारिस गर्नुहुन्छ। पहिले दन्त स्याहार सल्लाहकारी भए तापनि, यो बाल चिकित्सा दन्त चिकित्सकसँग भएको यो प्रारम्भिक भेटले जीवनभरीको दन्त स्वास्थ्यका लागि चरण सेट गर्ने छ।

सुताउने सुझावहरू

9 महिना उमेरमा, तपाईंको बच्चा दिनको धेरैजसो समय उठ्नु हुने छ। उहाँ प्रति दिन जम्मा 1 देखि 3 घण्टाका लागि दिनको एक वा दुई पटक निदाउनु हुने छ। बच्चा रातिमा कम्तिमा 8 देखि 10 घण्टा सुत्नुपर्छ। तपाईंको बच्चा यो भन्दा धेरै वा कम सुत्नुहुन्छ तर स्वस्थ देखिनुहुन्छ भने, यो चिन्ताको विषय होइन। तपाईंको बच्चालाई सुत्न मद्दत गर्नका लागि:

• बच्चालाई प्रत्येक रातीमा सुत्नु अघि समान कुरा गर्ने बानी बसाल्नुहोस्। सुत्ने समयको तालिकाले तपाईंको बच्चालाई सत्ने समय कति बेला हो भनेर सिक्न मद्दत गर्छ। उदाहरणका लागि, तपाईंको तालिका नुहाउने, खुवाउने, सुत्नका लागि जाने हुन सक्छ। सुत्ने समय छान्नुहोस् र हरेक रात यसलाई पालना गर्ने प्रयास गर्नुहोस्।
• तपाईंको बच्चाको बिछौना सिप्पि कप वा बोतल नराख्नुहोस्।
• यो उमेरमा राम्रोसँग सुत्ने बच्चा भतापनि सुत्नमा कठिनाई हुन सुरु हुन सक्छ भन्ने कुरामा जानकार हुनुहोस्। बच्चालाई जागा राखेर क्रिबमा नसुत्दासम्म रुन दिएर केही हुँदैन। तपाईंले आफ्नो बच्चालाई कति समयसम्म रून दिन सक्नुहुन्छ भन्ने कुरा स्वास्थ्य सेवा प्रदायकलाई सोध्नुहोस्।

सुरक्षाका सुझावहरू

तपाईंको बच्चा धेरै चन्चल भएको हुनाले, सक्रिय निरीक्षण महत्त्वपूर्ण छ। तपाईंको बच्चाले के गर्दै हुनुहुन्छ भन्ने कुरामा सधैँ सवधान रहनुहोस्। केही सेकेन्डभित्र दुर्घटना हुन सक्छ। तपाईंको बच्चालाई सुरक्षित राख्नको लागि:

• तपाईंले उक्त कार्य पहिले नै गर्नुभएको छैन भने, घर बच्चाको लागि सुक्षित बनाउनुहोस्। तपाईंको बच्चाले फर्निचर तान्ने र हिडाल्ने (वस्तुहरू समात्ने बेलामा वरिपरि सर्ने) गर्नुहुन्छ भने, क्याबिनेट र TV हरू जस्ता ठूला समानहरू बाँधेर राखेको छ भनी सुनिश्चित गर्नुहोस्। अन्यथा तिनीहरू बच्चाले आफ्नो माथि तान्न सक्छन्। बच्चालाई हानी पुर्याउन सक्ने कुनै पनि वस्तुहरूलाई उहाँको पहुँचबाट राख्नुहोस्। टेबुलमा दछ्याउने कपडा वा कर्डहरू बच्चाले तान्न सक्नुहुन्छ भन्ने कुरामा सावधान रहनुहोस्। तपाईंको बच्चाले समय बिताउने कुनै पनि स्थानको सुरक्षा जाँच गर्नुहोस्।
• तपाईंको बच्चाले अड्काउन सक्ने कुनै पनि सानो कुरा समाउन नदिनुहोस्। यसमा घस्रिएर हिँडेको बेलामा फेला पार्न सक्ने भुइँमा भएको खेलौना, ठोस खानेकुरा र वस्तुहरू समावेश हुन्छन्। नियमानुसार, शौचालयको पेपर ट्युबको भित्र फिट हुन सक्ने सानो वस्तुले बच्चालाई चोक गराउन सक्छ।
• बच्चालाई टेबल, बिस्तारा वा सोफा जस्ता उच्च सतहमा नछोड्नुहोस्। तपाईंको बच्चा खस्ने सक्नुहुन्छ र चोट लाग्नसक्छ। बच्चालाई एकपटक कसरी घुम्ने वा घस्रिने भन्ने कुरा थाहा भएपछि यो हुने सम्भावना अझ बढि हुन्छ।
• कारमा, बच्चालाई कार सिटमा पछाडि फर्काएर राख्नुपर्छ। कार सिटको निर्देशनहरू अनुसार यसलाई पछाडिको सिटमा सुरक्षित गर्नुपर्छ। (नोट: धेरैजसो शिशुको कार सिटहरू 28 इन्चभन्दा कमका बच्चाहरूका लागि डिजाइन गरिएका छन्। तपाईंको बच्चा कारको सिटबाट निस्किनुभएको छ भने, ठूलो, परिवर्तनीय कार सिट स्विच गर्नुहोस्।)
• फ्रिज जस्तो सजिलैसँग देख्न सकिने स्थानमा यस विष नियन्त्रण फोन नम्बर राख्नुहोस्: 800-222-1222।

खोपहरू

CDC को सिफारिसको आधारमा, यस भेटमा तपाईंको बच्चाले निम्न खोपहरू लगाउन सक्नुहुन्छ:

• हेपाटाइटिस B
• पोलियो
• इन्फ्लुएन्जा (फ्लू)

हातबाट बनाइएका खानेकुराहरूबाट खाना बनाउनुहोस्

तपाईंको 9 महिना उमेरको बच्चाले केही महिनाका लागि ठोस खानेकुराहरू खाने सम्भावना छ। तपाईंसँग पहिलेनै यी खानेकुराहरू दिनुभएको छैन भने, यो हातबाट बनाइएका खानेकुराहरू दिन सुरु गर्ने समय हो। यी बच्चाले तपाईंको सहायताबिना उठाउन र खाने सक्ने खानेकुराहरू हुन्। (तपाईंले सधैँ निरीक्षण गर्नुपर्छ!) कुनै पनि खानालाई हातले बनाइएको खानामा परिणत गर्न सकिन्छ, सम्भव भएसम्म यसलाई सानो टुक्राहरुमा काट्न पर्छ। यहाँ केही उपायहरू छन्:

• केरा,पिच वा अभोकाडो जस्ता नरम, ताजा फलफूलहरू तथा तरकारीहरूको टुक्राहरु बनाउने प्रयास गर्नुहोस्।
• बच्चालाई मुट्ठीभर गुलियो नभएको सेरल वा पकाइएको पास्ताको केही टुक्राहरु दिनुहोस्।
• चिज वा नरम ब्रेडलाई साना क्युबहरूमा काट्नुहोस्। ठूला टुक्राहरु चपाउन वा निल्नमा कठिनाई हुन सक्छ र बच्चालाई श्वासप्रश्वासमा कठिनाई निम्त्याउन सक्छ।
• क्रन्ची तरकारीहरू जस्तै गाजर नरम बनाउनका पकाउनुहोस्।
• बच्चालाई श्वासप्रश्वासमा कठिनाई हुनसक्ने खानाहरू नदिनुहोस्। यो बच्चाको थ्रोटको साइज र आकार अनुसारको खानासँग सामान्य हो। तिनीहरूमा हट डग्स र ससेजहरूका खण्डहरू, कडा क्यान्डी, बदाम, काँचो तरकारी र सम्पूर्ण अङ्गुरहरू समावेश हुन्छ्न्। खान नहुने अन्य खानाहरूका बारेमा स्वास्थ्य सेवा प्रदायकलाई सोध्नुहोस्।
• बाँकी परिवारसँग खाना खान बच्चाको अग्लो कुर्सीमा उहाँको लागि नियमित रूपमा स्थान बनाउनुहोस्। यो भान्साको कुनामा वा डिनर टेबलको ठाउँमा हुन सक्छ। बाँकी परिवारले खाइरहनु (उचित भएअनुसार) भएको समान खानाको टुक्राहरू पारेर दिनुहोस्।
• तपाईंसँग कस्तो प्रकारको खानाहरू दिने वा टुक्राहरू कत्तिको सानो हुनुपर्छ भन्ने बारेमा प्रश्नहरू भएमा, स्वास्थ्य सेवा प्रदायकसँग कुरा गर्नुहोस्।

अर्को जाँच निम्न समयमा छ: _______________________________

आमाबुवाका नोटहरू: